【Facebook文章總覽】日常生活.其他記事(2017.Vol. 1)


.本文會收錄24篇在面書專頁的帖文
面書專頁的帖文不會跟本Blog的文章重複
.文字順序為圖片的左上→右上→左下→右下
---------------------------------------------------------------------------------------

▶ 設計精美嘅熊本熊memo紙,一本memo紙有7款圖案,雖然差唔多要HK$50,但絕對值得收藏!

▶ 媽媽忙咗成日整嘅團年飯,張相只係其中一部分哈哈哈。雖然來來去去都係嗰幾味,但年年食都唔會厭!辛苦媽媽了!

▶ 農曆新年快樂!希望雞年會係事事順利嘅一年!

▶ 新年活動 - 打麻雀。第一局就自摸對對糊,對於打牌新丁嘅我嚟講可算係奇蹟!

---------------------------------------------------------------------------------------

▶ 有時我同C先生一齊用電腦時,會趁電腦冇network玩呢個遊戲鬥高分。跑到2046直到gameover,今次終於到我贏了!

▶ 話咁快就放完4日新年假。4日假期仲忙過平時放假,冇得瞓到自然醒,仲要四出拜年,都好攰吓。今日年初五返工,但仲係年初四咁嘅樣是常識吧。

▶ 話咁快過咗人日,可能開始年紀大,心態上亦有啲轉變:
以前唔會睇來年運程,宜家見到麥玲玲話自己生肖行運會覺得開心;
以前覺得去黃大仙拜神唔關我事,宜家不但會去拜神仲做足拜神步驟;
以前覺得去拜年好悶,宜家會珍惜同好耐冇見嘅親戚傾計嘅機會;
以前見到小朋友親戚會覺得佢年年都係BB,宜家會慨嘆小朋友大得好快;
以前唔會覺得新年假好短,宜家覺得新年假過得好快,完全唔夠用⋯⋯
唯一不變嘅係有得年年逗利是,係時候要點算今年收穫!

▶ 好耐冇睇過TVB,連之前好hit嘅電視劇都冇睇過。其實心知為咗工作係應該要睇吓電視,避免脫節,但實在冇咩動力睇電視。早排因為過年長期開電視,所以終於有機會睇吓TVB。小生花旦走哂,但多咗好多新面孔都算,最慘係多咗唔少重口味情節,啲劇情又好無厘頭同牽強:例如打牌贏1000萬做掟煲費好平常,只要你係雀后就得;喺直升機跳落嚟都可以死唔去,仲可以唔使同觀眾交代添(可能冇乜人會在意佢點解死唔去)!後來仲演變到成套戲好嘈好煩......雖然有好多不滿,但我都會睇到大結局嘅,好來好去吖嘛。

---------------------------------------------------------------------------------------

▶ 忙咗成個星期,終於有時間休息了。今次又上咗寶貴嘅一課,雖然結果未能盡如人意,但我相信終有一日會成功。感謝身邊人呢幾日嘅支持同幫忙,我會繼續努力!
廢up完一輪,都要搵嘢relax嘅。突然諗起自己好耐冇去Gmarket買嘢,唔知會唔會有斬獲呢

▶ 遲來的情人節禮物,總算順利完成。因為第一次試整嘅時候,竟然變咗鹹味曲奇,所以都有啲淆底。試整失敗後,我同C先生無意中講起情人節禮物......
我:今次我會準備食物做禮物,但第一次試整時失敗咗
C:咁之後係咪會繼續試整呀?
我:唔會喇,下次整就係嚟真㗎啦
C:(表示擔憂)
好彩到咗真正整嘅時候,曲奇都算焗得正正常常,而且係甜嘅,所以C先生可以鬆一口氣啦!

▶ 沐浴露、洗頭水、護髮素、髮膜、潤膚乳……屋企間唔中就會有呢堆產品嘅吉樽,直接放入垃圾桶未免太唔環保,最好拎去回收。早幾日經過屈臣氏,發現屈臣氏現正進行塑膠容器回收計劃:只要帶任何個人護理用品塑膠容器或瓶裝水水樽到屈臣氏回收,即送1個電子印花,再送95折優惠券,優惠券適用於屈臣氏品牌嘅頭髮護理、沐浴及潔手產品。
如果有心拎電子印花同優惠券,最好事前詢問店員係咪有得送,因為我去回收吉樽嘅時候,店員話優惠券已經缺貨好耐了,最後我係咩都冇拎到嘅情況下俾咗2個吉樽屈臣氏。因為優惠券同電子印花對我嚟講冇用,所以缺貨都冇所謂啦。

▶ 有啲電影係唔使睇trailer就會自動買飛入戲院睇,好似狂野時速咁,果然冇令我失望。做足2個幾鐘完全冇冷場,瘋狂飛車真係好有速度好刺激,但家長手抱嬰兒睇動作片仲要有1/3時間係度嗌係咩玩法?

---------------------------------------------------------------------------------------

▶ 年紀大咗,口味都變埋。明明以前唔會著間條,今年竟然痴咗線買咗幾件間條衫,日日著唔同間條都冇問題。過多一排我會唔會鐘意著大紅花花衫架?

▶ 估唔到我喺 Sogo Thankful Week 買到嘅嘢係⋯⋯ Mizuno Wave Rider 20 同運動上衣一件。明明只係陪 C 先生睇跑鞋,結果變咗得我有斬獲。話哂間唔中有去跑步,點可以唔著返對跑鞋呢?喺唔多揀得落手嘅情況下揀咗呢隻色(其實著上腳會順眼啲),但又同平時著開嘅運動上衣撞哂色,所以順手買件我最愛嘅藏藍色,成個 look 即刻順眼返。基本上大部分產品都有 8 折,最後兩樣嘢加埋平咗 HK$200。唔知係咪著咗新鞋新衫,做運動都落力啲,連跑步都快過平時呀哈哈哈!

▶ 多謝朋友嘅俄羅斯手信及明信片,好大排朱古力呀!

▶ 最近喺 LOG-ON 發現有熊本熊嘅筆!左邊四色筆係同 HI-TEC-C 合作,右邊單色筆就有 ZEBRA logo。雖然宜家少咗寫字,但都忍唔住入手!

---------------------------------------------------------------------------------------

▶ 終於有時間去「東港城.一田 x 熊本 真夏の花火大会」。由於以前去過類似展覽,加上今次又係太遲去,經驗話我知應該冇乜嘢買,所以諗住影幾張相就閃🤣點知個場比我想像中大,而且仲有好多嘢買,即刻雙眼發光,勁多嘢想買,但理智話我知我應該買比較實用嘅嘢。經過仔細考慮後,最後買咗少少嘢,加埋滿額贈品及小遊戲禮物後,總共帶咗九樣嘢返屋企,滿載而歸。

▶ 之前去過類似二德惠嘅烘焙店買抹茶粉,但就算買最貴嘅抹茶粉,抹茶味都係唔突出,用嚟做甜品真係好浪費。聽講日本百年老字號 - 富澤商店嘅抹茶粉好適合用烘焙食材,雖然六十幾蚊得嗰細細包,但佢係整個抹茶甜品嘅靈魂,絕對值得投資!我用嚟整抹茶 Tiramisu , C 先生雖然唔知佢係 Tiramisu ,只係覺得佢係一個普通嘅抹茶蛋糕,但覺得抹茶味相當香濃!

▶ 星期日凌晨在士多訂食物,星期一就收到了。其實可以即日送貨,但好像太趕急,所以選擇星期一下午時段送貨。送貨職員很有禮貌,沒有多餘的塑膠包裝,易碎食品完好無缺地送到家中。光顧士多的主要原因是:它搜羅不少小店及本地品牌,特別喜歡手工及懷舊食品,讓消費者有更多大品牌以外的選擇,所以我一定會再次光顧!

▶ 今年萬聖節獲得兩枚極具收藏價值的叮噹,全球限量300套,總算搶到了:)

---------------------------------------------------------------------------------------

▶ 叮噹又來了!雖然我不是狂熱粉絲,但都要去逛逛 Doraemon Post Office 期間限定店。我和 C 先生在開賣第一天的晚上到達時代廣場,卻大排長龍,擔心很多產品會售罄。幸好超過一半產品貨源充足,已經比我想像中理想。(畢竟主辦單位有太多前科,所以一開始不敢有太大期望)。收穫沒有太誇張,因為價格不便宜,所以不能買得太多(註:圖中是 Post Office 戰利品,會場有售賣其他不屬於 Post Office 的叮噹產品)
最後謝謝 C 先生和我一同排隊、選購、拍照及寫明信片,還給我一堆叮噹戰利品:)

▶ 這是 Doraemon Post Office 期間限定店的戰利品之一,其實它不是 Doraemon Post Office 的產品,但不知怎的會場有售賣一些不知名的叮噹產品。由於 C 先生十分欣賞這個公仔,做工仔細,像真度高,而且是少見的表情,價錢只是 HK$180(比其他產品便宜得多)所以便購買一隻,然後放在我家(不是應該放在他家嗎?)

▶ 結果我在 Sogo Thankful Week 的最後一天買了東西:左下角的 ATSUGI 絲襪是回購品,原價 HK$170 不算很便宜,但感覺它跟一般絲襪真的有差,不易起毛粒,而且很有彈力。而且 Sogo Thankful Week 有八折,所以值得再買啦!另外也在旺角的 Tutuanna 買了一些襪子,如果質量不錯的話,會考慮繼續購買。

▶ 第一次看到星球蠟燭的時候,已經十分喜歡,很想自己做一個。後來發現坊間有星球蠟燭班,價格相宜,便和好友一同製作。蠟燭表面是漸變顏色,顏色可依照個人喜好而選擇;蠟燭內裡是大豆蠟,因為石蠟會產生較多黑煙,所以用大豆蠟會比較好。每人可製作一大一小的蠟燭,完成後更和好友交換其中一個蠟燭,別具紀念價值~

---------------------------------------------------------------------------------------


以下是所有文章總覽,正在持續更新中:
【自助遊記】我在國外的飲食日誌及行程規劃
【100%非廣告】我在香港的飲食地圖.內附毒舌食評
【100%誠實用後感】美妝及保養控必看!我的自購及空瓶分享
【其他】網購生活.有趣活動.日常雜事⋯⋯
【Facebook文章總覽】彩妝保養.飲食.旅遊.生活記事……

Follow me ▼

*-*-*-*-*-*-*-*-*-*-*-*-* -*-*-*-*-*-*-*-*-*-*-*-*
Email ▶ fisherpigkt@gmail.com
Blog ▶ https://fisherpigkt.blogspot.com/
Facebook ▶ https://www.facebook.com/fisherpigkt/
Instagram ▶ https://www.instagram.com/fisherpigkt/
*-*-*-*-*-*-*-*-*-*-*-*-* -*-*-*-*-*-*-*-*-*-*-*-*